ل شه‌رێ ئه‌ڤرۆ یێ شنگال، داعش ئه‌ڤ زیانه گه‌هشتێ
ئه‌ڤرۆ نیۆز، قائید میرۆ
هێزێن پێشمه‌رگه ل سه‌نته‌رێ قه‌زا شنگالێ هێرشه‌كا تیرۆرستێن داعش شكاند و د ئه‌نجامدا هه‌شت تیرۆرست هاتنه كوشتن و هژماره‌كادیژی برینداربوون، به‌رپرسه‌كێ كوردژی دبێژیت، د شه‌ڕێ ئه‌ڤرۆ چه‌كێن گران هاتینه بكار ئینان بۆ لێدانا داعش.
غه‌یاس سورچی، په‌یڤدارێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” به‌ری نیڤرۆیا ئه‌ڤرۆ ل سه‌نته‌رێ قه‌زا شنگالێ تیرۆرستێن داعش هێرشه‌كا به‌رفره‌ه كریه سه‌ر هێزێن پێشمه‌رگه‌یێن كوردستانێ و د ئه‌نجامدا پێشمه‌رگه‌ی هێرشا تیرۆرستێن داعش شكاند و پاشڤه برن.
غه‌یاسی گۆتژی” د هێرشا ئه‌ڤرۆ چه‌كێن جۆراو جۆر هاتینه بكار ئینان و پێشمه‌رگه شیاینه هه‌شت چه‌كدارێن داعش بكوژن و ب ده‌هان چه‌كدارێن دیژی برینداربكه‌ن، ئه‌ڤه ژبلی سووتنا دو ترۆمبێلێن گروپا تیرۆرستیا داعش.
