كارێ رۆژنامەڤانی ب تنێ هەلگرتنا مایكێ نینە
هێلین سالم:
سفیان سلۆ، پەیامنێرێ ئاژانسا خانی، د دیدارەكێ دا بۆ رۆژناما ئەڤرۆ گۆت: دژیەكێ بچووكدا من حەزا راگەهاندنێ هەبوو، پشتی دەلیڤە هاتی من پشكداری دخولێن رۆژنامەڤانی دا كر و نڤیسینێ من بەلاڤ بوون، یا ئێكێ ل سالا ٢٠١٧ بوو كو ل رۆژنامەیا دەنگێ لالش بوو.
سفیانی گۆت: شیانێن من ئەز هاندایمە ئەز خو وەك رۆژنامەڤانەك ببینم و حەز و شیانێین من بۆ ڤی كاری گەلەكن، دەربارەی ئاستەنگێن رۆژنامەڤانی پشتی بەلاڤبوونا سۆشیال مەدیایێ ب شێوەیەكێ گەلەكێ بەربەلاڤ دناڤ جڤاكی دا كارێ رۆژنامەڤانی ب زحمەت لێكریە، چونكی خەلكی باوەریا ژدەست دای و نەشێن بیرورایێن خوە ب دروستی بێژن، چونكی گەلەك مالپەر هەنە و چ سانسۆر ل سەر نینن و هەر ئێك وەكی خوە و بۆ چەند بینەرەكێن زیدە و لایك و كومێنتا راستیا بابەتی بەرزە دكەن، ب دیتنا من پەیامنێرێ سەركەفتی ئەوە یێ دناڤ خەلكی دا بیت و ژ نێزیك بابەت و ئاریشەیێن وان ببینیت دا بشێت ب دروستی ب گەهینیت گەلەك یا فەرە دەنگوباس وەكی خوە و بێ فیلتەركرن بهێتە بەلاڤكرن و رێز ل تایبەتمەندیێن كەسێ لێدوان دای بهێتە گرتن و رێ ل گۆتارا تۆندو تیژ بگریت، چنكو كارێ پەیامنێریێ بتنێ هەلگرتنا مایكێ نینە، بەلكی پەیامنێری كومەكە ژ بەرپرسیارەتی و پرەنسیبان ل دەمێ بەلاڤكرنا دەنگوباسان دڤێت بهێنە پاراستن.
