دو گەنجان پرا دەلال و مۆزەخانەیا زاخۆ ب تەكنەلۆژیا یا سەردەم دروست كرینە

دلۆڤان هالۆ:

یوسف عەبدولسەلام و سەروان عەبدولسەلام دو گەنجێن زاخۆ نە، دەرچۆیێن پشكا كۆمپیوتەری نە ل زانكۆیا نەورۆز، پڕۆژەیێ وان یێ دەرچۆنێ ئەو بوویە كو پرا دەلال و مۆزەخانا زاخۆ ب شێوێ 3D ب تەكنەلۆژیا سەردەم یا VR دروست كرینە.
یوسڤ عەبدولسەلام د دیدارەكێ دا بۆ ڕۆژناما ئەڤرۆ گۆت: ئەڤ پڕۆژە یێ من و هەڤالێ من سەروانی یە كو ئەم ڕابووینە ب دیزاین كرن و دروست كرنا پرا دەلال و مۆزەخانەیا زاخۆ ب شێوێ 3D ب تەكنەلۆژیا سەردەم یا VR كو جیهازەكە ب شێوەیێ بەرچاڤكێ یە، پرا دەلال و دەوروبەرێن وێ و مۆزەخانا زاخۆ ژ دەرڤە و ژ ناڤ دا و هەر ئامیرەكێ د ناڤ دا كرینە د وێ بەرچاڤكێ دا كو مرۆڤ ل كیژ جهێ جیهانێ بیت مرۆڤ دشێت پرا دەلال و مۆزەخانەیا زاخۆ تێدا ببینیت، هەر وەكی مرۆڤ ژ ڕاستا ل هەر دوو جهان و و مە ئەڤ پڕۆژە د دو هەیڤان دا ب دووماهی ئینا و هەكە هاریكاری هەبیت ل پاشەڕۆژێ ئەم دشێن كۆڕنیشێ زاخۆ و جهێن گەشتوگۆزاری یێن زاخۆ ژی بڤی شێوەیی دروست بكەین.

کۆمێنتا تە