47 سالن شەلوشەپكان چێدكەت
سندس سالح سلێڤانەیی:
مام (یۆخەنا) كەسەكێ كرستیانێ خەلكێ دهۆكێ یە، ئەڤە (47) سالن د مالا خوە دا شەلوشەپكان چێدكەت و ب گۆتنا وی ئەو ژ باب و بابیرێن خوە فێری ڤی كاری بوویە و ئەڤ پیشەیە یا كەڤنە دناڤ مالباتا وان دا.
ناڤهاتی بۆ رۆژناما ئەڤرۆ دبێژیت: ل دەستپێكێ بابیرێ من ئەڤ كارە دكر، ئانكو شەلوشەپك چێدكرن، كو هندەك دبێژنێ (بەرگیز) پاشی بابێ من فێربوو، پشتی نەمانا بابیری وی بەردەوامی پێ دا، ئەز ژی ژ بابێ خوە فێربووم و ئەڤە (47) سالن یێ بەردەوامیێ ددەمێ هەتا رۆژەكێ دۆرا كوڕێن من بهێت. هەروەسا گۆت: هندەك كەرەستەیێن چێكرنا شەلوشەپكان بۆمە ژ دەڤەرا سێمێلێ دهێن، هندەك ژی ل وەلاتێ توركیا، ل ڤێرە ژنك بۆمە دشۆن و پشتی هشك دبن ئەم ب ڤان ئامیرەیێن سادە دكەینە پەرۆكێ شەلوشەپكان و دبەینە بازاڕی و دفرۆشین، بۆ زانین بكڕێن وان د تایبەتن و ئەو د دروینن و دفرۆشنە خەلكەكی، لێ مخابن بازاڕێ وان وەكو بەرێ نەمایە و كێم دهێنە فرۆتن، چنكو بەس مرۆڤێن دانعەمر و ماقوول دكڕن و ب شێوەیەكێ گشتی گەنج گەلەك حەزژێ ناكەن.
