ناڤەندا خانی پەنەلەك ل دۆر شوینەوار و دیرۆكا كەڤنا كوردستانێ گێڕا
سندس سالح سلێڤانەیی:
ناڤەندا خانی یا رەوشەنبیری و راگەهاندنێ/ پشكا رەوشەنبیری، دوهی ئێڤاری 5/2/2025 چەند پەنەلێن دیرۆكی ل دۆر شوینەوار و دیرۆكا كەڤنا كوردستانێ ل هولا سەنتەرێ پێشمەرگە ل دهۆكێ گێڕا و بەرێز (ئحسان ئامێدی) بەرپرسێ ناڤەندا خانی و هژمارەكا ئەدیب و نڤیسكار و رۆژنامەڤان و رەوشەنبیرێن دەڤەڕێ لێ د بەرهەڤ بوون و دوێ چالاكیێ دا چار سمینار هاتنە پێشكێشكرن، هەروەسا پەیڤا پشكا رەوشەنبیری ژلایێ بەرێز (موسەدەق تۆڤی) و پەیڤا رێڤەبەریا شوونوارێن دهۆكێ ژلایێ بەرێز (د. بێكەس بریفكی) هاتە خواندن و كەسێن سمینار پێشكێشكرین ئەڤ بەرێزە بوون.
1ـ د. (ئەیهان محەمەد قادر) سمینارا وی ل ژێر ناڤێ (شێواندنا دیرۆكا گەلێن كەڤن د نڤیسارێن دیرۆكنڤیس و ڤەكۆلەرێن عەرەب دا) بوو.
2ـ پ.ی.د (دلشاد عەزیز زاموا) سمینارا وی ل ژێر ناڤێ(كی میراتگرێ كەلتۆر و زمانێ هۆز و گەلێن دێرینێن كوردستانێ) بوو.
3ـ پ.ه. د (عەزیز محەمەد ئەمین زێباری) سمینارا وی ل ژێرناڤێ (كێشەیا دیاركرنا باژێران ل دەقێن میخی) بوو.
4ـ پ.ه. د (كوزاد محەمەد ئەحمەد) سمینارا وی ل ژێر ناڤێ (سیاسەتی دەولەت و كەلەپۆری شارستانی لە كوردستان لە سەر دەمی بەعسدا) بوو.
پشتی ب دووماهی هاتنا هەر چار سمیناران دەرگەهێ دانوستاندنان هاتە ڤەكرن و ب ئاراستەكرنا چەند پرسیار و بۆچوونان ئەو چالاكی ب رەوشتر لێ هات.
