شەریف ئۆمەری داخوازا ئێكرێزیێ دكەت
زنار تۆڤی:
سترانبێژ (شەریف ئۆمەری) د دیدارەكێ دا بۆ رۆژناما ئەڤرۆ گۆت: ئەز ب ستایلێ راپ سترانان دبێژم و من سترانەكا نوو ب ناڤێ (هەڕن وا هەڕن وا) تۆماركریە، ئەڤ سترانە بۆ ئێكەتیا گەلێ كورد، ل باكور و باشور و رۆژهەلات و رۆژئاڤا چێكریە، هەروەسا من كلیپ ژی كریە: هەروەسا گۆت: د نوكە دا رۆژئاڤایێ كوردستانێ پێدڤی ب هەرێما كوردستانێ هەیە، مە وەكو كورد ژی پێدڤی ب هەڤگرتنێ و براینییێ هەیە، د ڤێ سترانا خوە یا نوو دا من بەحسێ پێشمەرگێ كوردستانێ كریە، كو د سەنگەران دا بەرگیریێ ژ ئاخا كوردستانێ و خەلكێ كوردستانێ دكەن و پێشمەرگە رۆمەتا مە نە و هەبوونا گەلێ كوردستانێ یە، دیسان دڤێت هێزا كوردان ببیتە ئێك و دڤێت ئەم پشتەڤانیێ ل پێشمەرگەیان بكەین، پەیڤ و ئاوازێن ڤێ سترانێ یێن منن، ل وەلاتێ ئەلمانیا هاتیە وێنەكرن، ل رۆژا 22 ی ڤێ مەهێ دێ هێتە بەلاڤكرن.
