سترانەكا محەمەد شێخۆی ب شێوازێ فانك چێكریە
زنار تۆڤی:
مۆزیكژەن (سیڤان پایەدار) د دیدارەكێ دا بۆ رۆژنامەیا ئەڤرۆ گۆت: من ب شێوازێ فانك، ئاوازا سترانەكا هونەرمەند محەمەد شێخۆیی تۆمار و كیلپ كریە، ئەز حەز ژ ڤی شێوازێ مۆزیكێ دكەم، هەروەسا ل سالا 2000 من دەست ب مۆزیكێ كریە و پشكداری د پشكداری د هژمارەكا فەستیڤالێن نێڤدەولەتی ل دەرڤەی وەلاتی ژی دا كریە، من پشكداری د كۆنسێرتان ژی دا كریە و دو كۆنسێرتێن تایبەت ژی گێراینە.
ناڤهاتی گۆت: هەتا نوكە من پتری حەفت كلیپە مۆزیك چێكرینە، بەری چەند رۆژان من ڤیدیۆ مۆزیكەكا نوو بەلاڤكریە، كو من ل وەلاتێ ئەلمانیا وێنەكریە و هەروەسا مۆزیكژەنێن ناڤدار یێن ئەلمانی و فرەنسی و توركی و رۆمانی پشكداری د چێكرنا وی بەرهەمی دا كریە..
