فڕۆكه‌یێن هه‌ڤپه‌یمانان 18چه‌كدارێن داعش ل شنگال كوشتن
ئه‌ڤرۆ نیۆز، قائید میرۆ
به‌ری ده‌مژمێره‌كێ فڕۆكه‌یێن هه‌ڤپه‌یمانان ل سه‌نته‌رێ قه‌زا شنگالێ باره‌گایه‌ك و كاروانه‌كێ ترۆمبێلێن داعش كرنه ئامانج و د ئه‌نجامدا نێزیكی 18چه‌كدارێن داعش هاتینه كوشتن.
غه‌یاس سورچی، په‌یڤدارێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” به‌ری ده‌مژمێره‌كێ فڕۆكه‌یێن هه‌ڤپه‌یمانان ل ناف سه‌نته‌رێ قه‌زا شنگالێ باره‌گایه‌كێ تیرۆرستێن داعش ل نێزیك سایلۆیا شنگالێ بوردۆمانكر و د ئه‌نجامدا باره‌گا بته‌مامی هاته ته‌قاندن و هه‌موو تیرۆرستێن داعش یێن دناڤا باره‌گای كو 10 چه‌كداربوون هاتنه كوشتن.
سورچی گۆتژی” هه‌ر ئه‌ڤرۆ فڕۆكه‌یێن هه‌ڤپه‌یمانان ل سه‌نته‌رێ قه‌زا شنگالێ كاروانه‌كێ ترۆمبێلێن داعش كره ئامانج و گوره‌ی ئه‌ڤێن بۆیه‌ر بچاڤێن خوه دیتی سێ ترۆمبێل هاتینه ژناڤبرن و هه‌شت چه‌كدار ژی هاتینه كوشتن.
