قوتابى دشێن نه‌جنه ده‌واما خوه يا پێشمه‌رگاتيێ
ئه‌ڤرۆ نيوز:
ئه‌ميندارێ گشتيێ وه‌زاره‌تا پێشمه‌رگه‌يى راگه‌هاند كو ئه‌و دێ رێ ده‌نه هه‌ر پێشمه‌رگه‌كێ قوتابى كو بچيت و خوه ئاماده بكه‌ت بۆ ئه‌زموونان.
جه‌بار ياوه‌ر، ئه‌ميندارێ گشتيێ وه‌زاره‌تا پێشمه‌رگه‌يى، بۆ تۆرا ده‌نگوباسێن سلێمانيێ گۆت: “هه‌ر قوتابيه‌كێ بڤێت خوه ئاماده بكه‌ت بۆ تاقيكرنان ئه‌و دێ ده‌ستووريێ ده‌نێ”.
زێده‌تر گۆت: “وه‌زاره‌تا پێشمه‌رگه‌يى وه‌كو هه‌ر وه‌زاره‌ته‌كا دى ده‌ستووريێ دده‌ته فه‌رمانبه‌رێن خوه و ل وه‌زاره‌تا پێشمه‌رگه‌يى ژى ئه‌ڤه تشته‌كێ ئاسايى يه”.
پێشتر رێ ب هه‌موو قوتابيێن ل به‌ره‌يێن شه‌رى كربوو كو ئه‌و دشێن ده‌واما خوه وه‌كو قوتابى نه‌كه‌ن ب مه‌رجه‌كى كو نڤيساره‌كا فه‌رمى ژ به‌ره‌يێن خوه يێن شه‌رى ببنه جهێ ده‌وامێ و ل شوونا وێ كارێ خوه يێ پێشمه‌رگاتيێ بكه‌ن، ب تنێ تاقيكرنان ئه‌نجام بده‌ن.
