هه‌ولێر دێ سه‌رپه‌رشتيا شه‌رێ ئازادكرنا مووسل كه‌ت
ئه‌ڤرۆ نيوز:
پشتى ئه‌ڤرۆ ل ده‌مژمێر 10:00 سپێده‌هيا 6ى نيسانا 2015 سه‌رۆكێ هه‌رێما كوردستانێ ل هه‌ڤالينيا شانده‌كى پێشوازى ل حه‌يده‌ر عه‌بادى ب هه‌ڤالينيا 30 كه‌ساتيێن له‌شكرى و وه‌زيرێن ئه‌منى كر.
پشتى كۆمبوونه‌كا گشتى ل باره‌گايێ جڤاتا وه‌زيرێن حوكمه‌تا هه‌رێما كوردستانێ ب ئاماده‌بوونا شاندێ حه‌يده‌ر عه‌بادى يێ پێكهاتى ژى وه‌زيرێن ناڤخۆ و به‌ره‌ڤانيێ و جڤاتا ئه‌منى يا عيراقێ و وه‌زيرێ كۆچ و كۆچبه‌ران و چه‌ندين سه‌ركردێن له‌شكرى ل گه‌ل شاندێ هه‌رێما كوردستانێ ب ئاماده‌بوونا هه‌ر ئێك ژ مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگرێ وى قوباد ته‌له‌بانى و شێخ جه‌غفه‌ر و چه‌ندين كه‌ساتيێن دى يێن له‌شكرى، نوكه كۆمبوونا تايبه‌ت يا سه‌رۆكێ هه‌رێما كوردستانێ و سه‌رۆك وه‌يزرێن عيراقێ ده‌ستپێكر.
كۆمبوون دێ يا تايبه‌ت بيت ل دۆر پشكداريكرنا هه‌رێما كوردستانێ و پێشمه‌رگه‌يى د شه‌رێ ئازادكرنا مووسل دا و ب گۆره‌يى ئه‌و پێزانينێن ئه‌ڤرۆ نيوز هه‌ين، دێ ژوورا تايبه‌ت يا ئازادكرنا مووسل ل هه‌ولێر بيت.
