مە هندەك فێری كاری كرن و وان ئەم ژبیركرین
شاهۆ فەرید:
پرۆدیوسەر (فەلاح عیماد) د دیدارەكێ دا بۆ رۆژنامەیا ئەڤرۆ گۆت: گەلەك كەس هەنە خوە شارەزا دیاردكەن، بەلێ ب دروستی چو تشتەك ڤێ نینە و ب رێكا هندەك هەڤال و برادەریێن بەرنیاس خوە دئینە پێش و نە زێدەتر، وەسا نینە وەكو ئەو هزر دكەن دڤێت خوە باش فێربكەن و بەرژەوەندیێن خوە نە دانە بەری كاری، گەلەك گەنجێ، خودان شیان مە هەنە بەلێ ژبەر نەبوونا هاریكاریێ و پالپشتێ د بەرزەنە، سەندیكا و كۆمەلا وێنەگران دڤێت رێگریێ ڤێ بەرەلایبا هەی بگرن و نەهێلن هەركەسەك بێ دەستیردانا وان كاربكەن، هەنە ژی دەمێ ئە كاری دكەن د دەمكینە و دێ بەرزەبین، هەنە ژیی ناڤێ گرۆپ و ستودیۆ خوە دیاردكەن بەلێ جهێ خوە نینە و هندەك جهێن وان كارێ وانا بۆ ئەنجامدەن.
زێدەتر گۆت: گەلەك كەس هەبووینە مە فێركرینە بەهرەیەك بۆ پەیداكریە قەستا جهەكێ دی كریە و ئەم پشت گوهڤە هاڤێتنیە، ستودیۆ هەنە د هاریكار نینن دگەل كارمەندێن خوە، هەنە ژی بۆ رێكلاما خوە ڤیدیۆ و كارێن هندەك جها وەسا دیاردكەن یێ وانایە، گەنجان حەزا ڤی كاری هەیە بەس كار سەر خوە ناكەن و پێدڤیە سەندیكا هاریكاریا وان بكەت و خۆلا بۆ ڤەكەن.
