بالیۆزێ توركیا سوپاسییا بزاڤێن سەرۆك بارزانی بۆ سەرئێحستنا پرۆسەیا ئاشتیێ كر
ل سەلاحەدین سەرۆك مەسعود بارزانی پێشوازی ل ئانیل بۆرا ئینان، بالیۆزێ توركیا ل ئیراقێ و شاندێ د گەلدا كر.
بەیاننامەیەكا بارەگەهێ بارزانی، د دیدارەكێدا كو ئیرمان تۆپچۆ، قۆنسلێ گشتیێ توركیا ل هەولێرێ بەرهەڤ بوو، گەنگەشە ل دۆر پێشهات و رەوشا سیاسییا دەڤەرێ و هەڤبەندیێن د ناڤبەرا حوكمەتا هەرێمێ و حوكمەتا ئیراقا فیدرال هاتە كرن.
بارەگەهێ بارزانی ئاماژەكر ژی، هەر د وێ دیدارێدا باس ل پرۆسەیا چارەسەرییا ئاشتیێ ل توركیا هاتە كرن و بالیۆزێ توركیا سوپاسییا سەرۆك بارزانی كر كو ب درێژییا سالێن بۆری رۆلەكێ گرنگ هەبوو د پشتەڤانیكرنا پرۆسەیا چارەسەرییا ئاشتیێ ل توركیا.
هەڤبەندیێن هەردو ئالییان تەوەرێ دی یێ وێ دیدارێ بوو.
