كۆمەكا مایكێن نە تۆماركری ل زاخۆ هاتینە ڕاگرتن
عەیشا عەجیب:
محەمەد سەدیق محەمەد هیرۆ، بەرپرسێ سەندیكا رۆژنامەنڤیسێن كوردستانێ/نڤیسینگەها زاخۆ، د دیدارەكێ دا بۆ رۆژنامەیا ئەڤرۆ گۆت: ل دووف بەرنامەیەكێ بهێز مە دەست ب هەوەكا نەهێلانا مایكێن نە تۆماركری كریە و هەتا نوكە ئەم شیاینە پتری حەفت مایكان ل سنۆرێ ئیدارەیا سەربەخۆیا زاخۆ ڕابگرین و ل سەر ڤێ چەندێ دێ د بەردەوامبین.
هەروەسا گۆت: بڕیارە د ئەڤ سالەدا كۆنگرەیەكێ پەیوەست ب رێكەفتنێن سیاسی ڤە بهێتە كرن، ژبەركو رەوشا رۆژنامەڤانیێ ب گشتی پێدڤی ب رێكحستن و ریفۆرمەكا باش هەیە، هەروەسا پێدڤیە مە راگەهاندنەكا نشتیمانی ل هەرێما كوردستانێ هەبیت، سەرەڕای كو راگەهاندنا مە كارەكێ باش كریە، لێ نەشیایە جهێ راگەهاندنا نشتیمانی بگریت، بۆ زانین ل دەستپێكێ ل دووف بەرنامەیێ خوە مە فۆكسا خوە دانا سەر رێیێن بهێزكرنا شیانێن رۆژنامەڤانان، هەر چەندە ئەز نوكە رۆلێ رۆژنامەڤانێن كوردستانێ ب رەنگەكێ گەلەك باش دبینم و پەیاما وان یا رۆژنامەڤانیێ ل ناڤخوە و جیهانێ جهێ خوە گرتیە.
