ئیكەم پەیكەر بۆ دایكا خوە چێكریە
دلڤین رەشید:
پەیكەرساز (ئاراس فەیسەل) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزا كارێ هونەری هەبوو، ب تایبەت ژی چێكرنا پەیكەران هەبوو، لەورا ئەز چوومە پەیمانگەها هونەرێن جوان ل هوكێ و من تایێ پەیكەرسازی ب دووماهی ئینا، ئەڤە ئیك ژ خەونێن من بوو كو پەیكەران چێكەم، ئیكەم كارێ من ژی من پەیكەرەك بۆ دایكا خوە چێكر.
ناڤهاتی گۆت: پشتی ب شێوازەكی ئەكادمی چوویمە دناڤ ڤی كاری دا رۆژ بۆ رۆژی حەزا من زێدەتر لێ دهێت راستە دناڤ وەلاتێ مەدا ئەڤ كار نابیتە دەرگەهەك كو بشێن دەبار ژیانا خوە پێ بكەین، بەلێ دشێن ب رێكا ڤێ كاری و ب ئازادانە دەربڕینی ژ هەست و سۆز و هزرێن خوە بكەین، من چەندین پێشانگەهێن تایبەت ب كارێ خوە یێ پەیكەرسازی ڤە ڤەكرینە و باشترین خەلات ل سەر ئاستێ ناڤخوەیی من وەرگرتی نە و وەك گەنجەك من هیڤیێن مەزن بۆ پاشەرۆژێ هەنە.
