ب لڤینێن خوە بەرنیاس بوویە
هێلین سالم:
ڕامان عیماد، گەنجەكێ خەلكێ ئامێدیی یە، ب كارێ چێكرنا بیتزان رادبیت و ل دەمێ چێكرنێ ب لڤینێن خوە یێن سەر ل گەل هەڤیری خەلكەك مەندەهۆش كریە و حەزدكەن ل دەمێ كاری چاڤدێریا وی بكەن و گرتە ڤیدیۆیان بۆ بگرن.
ناڤهاتی، د دیدارەكێ دا بۆ رۆژنامەیا ئەڤرۆ دبێژیت: ئەڤە چەندین سالن وەك مالبات كارێ خوارنگەهان دكەین و ئەز دژیێ (13) سالیێ دا ل بەر دەستێن باب و برایێن خوە فێری چێكرنا بیتزایان بوویمە، ئەز فێری لڤینان ل گەل هەڤیرێ بیتزا بوویمە، هەروەسا ئەز دزانم گەلەك جۆرێن خوارنێن رۆژهەلاتی و رۆژئاڤایی چێكەم، بەلێ پشتی بەلاڤكرنا ڤیدیۆیێن لڤینێن من ل گەل هەڤیری پتر خەلكەكی ئەز نیاسیمە، لەورا دێ پتر خوە پێشئێخم و هیڤیا من ئەوە ئەز ببمە شیفەكێ جیهانی و وەك كوردەك بشێم خوارنێن كوردی بۆ بیانیان چێكەم.
