مەسرور بارزانی و جێگرێ سەرۆكێ جڤاتا نوونەران دوپاتیێ ل دابینكرنا مافێن دەستووری یێن هەرێما كوردستانێ دكەن
دوهی دوشەمبی 22/9/2025، مەسرور بارزانی، سەرۆكێ حوكمەتا هەرێما كوردستانێ، پێشوازێ ل شاندەكێ جڤاتا نوونەرێن ئیراقێ ب سەرۆكاتییا موحسن مەندەلاوی، جێگرێ ئێكێ یێ سەرۆكێ جڤاتا نوونەران كر.
د كۆمبوونەكێدا كو شاخەوان عەبدوللا، جێگرێ سەرۆكێ جڤاتا نوونەرێن ئیراقێ بەرهەڤبووی، دوماهی گوهۆڕین و پێشهات و رەوشا گشتییا ئیراقێ و بەرهەڤیێن هەلبژارتنێن جڤاتا نوونەران هاتنە گەنگەشەكرن.
هەردو ئالی هەڤڕابوون ل سەر پێدڤی و گرنگییا چارەسەركرنا كێشەیێن هەرێما كوردستانێ و حوكمەتا فیدرال ل سەر بنەمایێ رێزگرتنێ ل سیستەمێ فیدرالی و قەوارەیێ دەستووریێ هەرێما كوردستانێ و دابینكرنا مافێن دەستووری و شایستەیێن دارایی یێن هەرێما كوردستانێ.
