هەردەم كاری بۆ ب هێزتركرنا بنەمایێن ئاشتیێ و براتیێ د ناڤبەرا پێكهاتەیان دا دكەین
دوهی سێشەمبی 30/9/2025، مەسرور بارزانی، سەرۆكێ حوكمەتا هەرێما كوردستانێ، پێشوازی ل شاندەكێ كەنیسەیا ئەرتۆدۆكسی یا رووسی ب سەرۆكاتییا مەتڕان ئەنتۆنی، بەرپرسێ هەڤبەندیێن دەرڤە یێن كەنیسەیا ئەرتۆدۆكسی یا رووسی كر.
ب گۆڕەی بەیاننامەیەكا حوكمەتا هەرێما كوردستانێ» د دیدارێدا كو ماكسیم روبین، قونسلێ گشتیێ رووسیا ل هەرێما كوردستانێ بەرهەڤبووی، دوپاتی ل پێشڤەبرنا گەلتوورێ پێكڤەژیانا ئاشتییانە و تەباییێ د ناڤبەرا پێكهاتەیێن ئایینی دا هاتە كرن».
سەرۆكێ حوكمەتا هەرێما كوردستانێ دوپاتكر» كوردستان نیشتمانی ئایین و ئایینزایێن جودایە و هەرم كاری بۆ ب هێزتركرنا كەلتوورێ پێكڤەژیانێ و بنەمایێن ئاشتیێ و برایەتیێ د ناڤبەرا پێكهاتەیێن جۆرا و جۆردا دكەین».
ئەوژی هاتە بەرچاڤكرن» شاندێ كەنیسەیا ئەرتۆدۆكسی یا رووسی، خوەشحالییا خوە ب سەرەدانا هەرێما كوردستانێ نیشادا و ئاماژە دا كو جهێ بەختەوەریێیە ل كوردستانێ هەموو ئایین و پێكهاتە ب ئاشتی و ئارامی دژین و مافێن وان د پاراستینە».
