پتریا رۆژنامەڤانێن مە ب پیشەییانە كاردكەن
عەیشا عەجیب:
شڤان عەبدوللا، پەیامنێرێ دەزگەهێ (٩٦٤) ل باژێرێ زاخۆ، د دیدارەكێ دا بۆ ڕۆژنامەیا ئەڤرۆ گۆت: ژبەركو میدیا یا ئەز لێ كاردكەم میدیایەكا دووری بابەت و ئەجێندایێن سیاسی یە، پتر گرێدایی بابەتێن ژینگەهێ، جڤاكی، ئابووری و گەلەگ بیاڤێن دی یێن گرنگ د ڕاوەستیت، ڤێ چەندێ وەكریە كو حەزژ پیشەیا خوە بكەم و ئەڤە نێزیكی چار سالانە لێ كاردكەم و هەتا نوكە یێ بەردەوامم.
ناڤهاتی گۆت: ب دیتنا من نوكە ئاستێ مەدیایا كوردی نە گەلەكا باشە و كارێ مەدیایی و هزرا خەلكی بەرە ب روحا ئێك و دو قەبوول نەكرنێ ڤە دبەت، ئاراستەیێ مەدیایێ یێ سیاسی و ئایدۆلوژی پێدڤی یە نەبیت ئەگەرێ پەیداكرنا ئێكو دو قەبوول نەكرنێ، هەروەسا لڤێ دووماهیێ دا هەر چ ڕاگەهاندنا هەی یا كەفتیە دبن كاریگەریا ئایدۆلۆژیا پارتا خوە دا و هەر ئێك لبن ناڤونیشانەكێ هێرشی لایەن یان گرۆپ یان پارتەكا دی دكەت، لێ ب دیتنا من پتریا رۆژنامەڤانێن ب پیشەییانە كاردكەن دئێشینت و ئەڤ چەندە د وەلاتێ مەدا پێش چاڤە و ئەم بەر ب پاشەرۆژەكا نەدیار ڤە دچین.
