گرۆپێ رەسەن دێ هژمارەكا كۆنسێرتان ل ئەمریكا گێڕیت
هەرهین محەمەد:
كاروان محەمەد، لێدەرێ كەمانێ و ئەندامێ گرۆپێ مۆزیكا رەسەنا نەتەوەێن كەركووكێ، د دیدارەكێ دا بۆ رۆژنامەیا ئەڤرۆ گۆت: ل دووف داخوازا بالیۆزخانەیا عیراقێ ئەم داخوازكرینە بۆ ویلایەتێن ئێگرتی ل ئەمریكا بۆ ئەنجامدانا چەند كونسێرتەكا ل باژێرێ واشنتون (D.C) ئەو بەرهەمێن ئەم دێ پێشكێشكەین پێكدهێن ژ مەقام و پەستەیێن كوردی و تۆركومانی و عەرەبی كو د تایبەتن ب كەركووك و گەرمیان ڤە و ل پشتی گرۆپێ مۆزیكا كامكاران ئەڤە دوەمین گرۆپێ مۆزیكێ یە ب فەرمی كونسرێرتا ل ویلایەتێن ئێگرتی ل ئەمریكا ب گێریت.
هەروەسا گۆت: ئەڤ گرۆپە ل دەستپێكا سالا 2007 هاتیە دامەزراندن و هەموو ئەندامێن وێ خەلكێ كەركووك و گەرمیانن و ئەڤ كونسێرتەژی تایبەتە ب هونەرمەندێن كەركووك و گەرمیان و دێ ستران ب سێ زمان كوردی و عەرەبی و تۆركومانی هێنە گۆتن و ئەم وەكو گرۆپێ رەسەن مە گەلەك كارێن هونەری ل جهێن جودا جودا ئەنجامداینە و مە گەلەك ئەندام دئەڤی گرۆپی دا هەنە، بەلێ بۆ ڤێ كونسێرتێ بتنێ هەشت كەس هاتینە داخوازكرن.
