كاری ل سەر تۆماركرنا دو سترانێن نوو دكەت
سندس سالح سلێڤانەیی:
هونەرمەند (سەلام یوسف) د دیدارەكێ دا بۆ رۆژنامەیا ئەڤرۆ دیاركر كو ئەڤە دەمەكێ درێژە ئەو مژوولی تۆماركرنا دو سترانێن نوویە، یا ئێكێ ب ناڤێ (ژیانا من) ژ پەیڤ و ئاوازێن (وەلید یوسف) یا دویێ ژی ب ناڤێ (ئەز كوردستانم) ژ پەیڤ و ئاوازێن (عیسا عەبدوللا) و هەردو ستران ب پشتەڤانیا هونەرمەندان (كەریم حەیدەر و هاوار میكائیل) هاتینە تۆماركرن ل دەمێ بهێت دێ بەلاڤ كەت.
سەلامی گۆت: ژبلی وان هەردو سترانان هژمارەكا دی ژی یا سترانان ل بەر دەست هەنە، لێ نوكە ئەز لەزێ د تۆماركرنا واندا ناكەم هەتا دەمێ وان دهێت، هەروەسا دڤێت ژبیرنەكەین ژی بۆ تۆماركرنا هەر سترانەكێ یان كلیپەكێ گەلەك مەزاختی پێ دڤێن و هەكە جهێن شۆلەژێ وەك رێڤەبەریا رەوشەنبیری و سەندیكا هونەرمەندان د هاریكار نەبن سترانبێژ بتنێ نەشێت بەرهەمێ خوە تۆماربكەت، بۆ زانین ئەز گەلەك داخباری دەنگێ هونەرمەندان (تەحسین تاها و بشار زاخۆیی و محەمەد تەیب تاهر) م و من سترانێن وان دگۆتن، د دووڤدا دەنگێ هەردو هونەرمەندان (ئەیاز یوسف و ئەردەوان زاخۆیی) گەلەك كارتێكرن ل من كر و هەتا نوكە ئەم یێ ل سەر رێبازا وان دچین و دێ دبەردەوامبین.
