هیڤیا من ئەوە جهەكێ تایبەت بۆ ئافرەتێن دەستڕەنگین ڤەكەم
هێلین سالم:
ئاواز سلێمان، ژنەكا دەستڕەنگینا خەلكا دهۆكێ یە، ئەڤ حەفت سالن وی كاری دكەت وجهەكێ تایبەت ب كارێ خوە ڤە هەیە و هەر تشتەكێ چێكەت ب رێكا ئۆنلاین نیشاددەت و دفرۆشیت، لێ هیڤیەكا مەزنتر هەیە، ئەو ژی ڤەكرنا جهەكێ تایبەتە بۆ هندەك ئافرەتێن دەستڕەنگینێن باژێرێ خۆ. ئاواز، بۆ رۆژنامەیا ئەڤرۆ دبێژیت: ل دەستپێكێ من پیت دئینان و د نەخشاندن پاشی دفرۆشتن، پاشان من كارێ خوە بەرفرەهتركر و نوكە گەلەك تشتێن ناڤمالێ چێدكەم، ب تایبەت ئامانێن تۆفك و چەرەزان كو گەلەك داخوازی ل سەر هەنە، بۆ زانین نوكە ئەز بتنێ كاردكەم، لێ هیڤیا من ئەوە ل پاشەرۆژێ جهەكێ مەزنتر ڤەكەم و گەلەك ئافرەتێن دەستڕەنگین لێ بدەمە كاری.
