سەرۆكێ حوكمەتا هەرێمێ و بالیۆزێ كەنەدا رەوشا ئیراقێ و پرۆسەیا ئاشتیێ ل توركیا گەنگەشەكر
ل رۆژا سێشەمبی 2/12/2025، مەسرور بارزانی، سەرۆكێ حوكمەتا هەرێما كوردستانێ، پێشوازی ل كریستۆفەر بووم، بالیۆزێ كەنەدا ل ئیراقێ كر.
د كۆمبوونەكێدا هەردو ئالی هەڤڕابوون ل سەر گرنگییا ب هێزكرنا هەڤبەندیێن دو قۆلی ب تایبەتی د وارێن وەبەرهێنانێ و لێكگۆهارتنا بازرگانیدا.
د پشكەكا دی یا كۆمبوونێدا، چاكسازیێن حوكمەتا هەرێما كوردستانێ د كەرتێن جۆرا و جۆردا هاتە گەنگەشەكرن. ل دۆر بزاڤ و دانوستاندنێن پێكئینانا كابینەیا نوو یا حوكمەتا هەرێما كوردستانێ مەسرور بارزانی دوپاتكر نوكە رەوشەكا نوو بۆ پێكئینانا كابینەیا نوو یا حوكمەتا هەرێمێ پەیدابوویە و پێدڤییە ل سەر بنەمایێ ئەنجامێن هەلبژارتنان بیت.
پرۆتەستۆكرنا هێرشا تیرۆرستی ل سەر زەڤییا كۆرمۆر یا غازی و رەوشا گشتییا ئیراقێ پشتی هەلبژارتنێن جڤاتا نوونەران، هەروەسا دوومهای گوهۆڕینێن سووریێ و پرۆسەیا ئاشتیێ ل توركیا چەند تەوەرێن دی یێن دانوستاندنێن كۆمبوونێ بوون.
