عه‌بادى داخوازا پشته‌ڤانیێ ژ سندوقا دراڤێ نێڤده‌وله‌تى دكه‌ت
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ داخوازێ ژ سندوقا دراڤێ نێڤده‌وله‌تى كر ل به‌رامبه‌ر ئالوزیا دارایى و ئابوورى و ئێمناهیێ عیراقێ، پشته‌ڤانیێ ل عیراقێ بكه‌ت.
ل دووڤ به‌یاننامه‌كا نڤیسینگه‌ها سه‌رۆك وه‌زیرێن عیراقێ، عه‌بادى ل واشنتون پێشوازیا كریستینا لاگارد رێڤه‌به‌را گشتى یا سندوقا دراڤێ نێڤده‌وله‌تى كریه و د كومبوونێ دا ره‌وشا وه‌لاتى و ئالوزیێن دارایى و هاریكاریا سندوقا دراڤى د چه‌ند بیاڤه‌كان دا بۆ عیراقێ شروڤه كریه و ژێ خواستیه ل به‌رامبه‌ر ئالوزیا دارایى و ئابوورى و ئێمناهیێ عیراقێ، پشته‌ڤانیێ ل عیراقێ بكه‌ت.