به‌ره‌ڤانيا عيراقێ: پتريا ده‌ڤه‌رێن بن ده‌ستێ داعش هاتينه ئازادكرن
ئه‌ڤرۆ نيوز:
وه‌زيرێ به‌ره‌ڤانيا عيراقێ، خالد عوبێدى، ئه‌ڤرۆ رۆژا شه‌مبى راگه‌هاند كو پتريا ئه‌و ده‌ڤه‌رێن ل بن ده‌ستێ داعش هاتينه رزگار كرن.
د به‌ياننامه‌كێ دا، كو ژ وه‌زاره‌تا به‌ره‌ڤانيا عيراقێ ده‌ركه‌فتيه، هاتيه: تشتێ ل بێجى روو دده‌ت يێ چاڤه‌رێكرى يه، پتريا ده‌ڤه‌رێن بن ده‌ستێ داعش ژى به‌رى نوكه هاتينه رزگاركرن ژ لايێ هێزێن مه‌ڤه.
ئاماژه ب وێ چه‌ندێ ژى كريه كو داخواز ژ ئه‌مريكا ژى هاتيه كرن كو ب ره‌نگه‌كێ ب له‌ز هێزێن عيراقى ئاماده بكه‌ت ژ لايێ چه‌ك و ته‌قه‌مه‌نيان ڤه.
نوكه ژى بێجى ل بن كۆنترۆلا داعش دايه و چه‌ندين بزاڤێن حوكمه‌تا عيراقێ د ڤان دو رۆژێن بۆرى دا بۆ گرتنا ڤێ ده‌ڤه‌رێ د بێ مفا بوون و هێشتا ل بن كۆنترۆلا چه‌كدارێن داعش دايه.