هێشتا به‌غدا مووچێ پێشمه‌رگه‌يى نه‌هنارتيه
ئه‌ڤرۆ نيوز:
هه‌تا نوكه حوكمه‌تا به‌غدا بودجێ پێشمه‌رگه‌يى بۆ هه‌رێمێ نه‌هنارتيه و په‌رله‌مانتاره‌ك ژى دبێژيت: ئه‌و پارێ بۆ پێشمه‌رگه‌يى دابينكرى گه‌له‌ك كێمتره ژ يێ بۆ سۆپايێ عيراقێ و حه‌شه‌د شه‌عبى دابينكرى.
ئوسمان تاهر دوسكى ئه‌ندامێ لژنا دارايى ل جڤاتا نوونه‌رێن عيراقێ بۆ ئه‌ڤرۆ نيوز گۆت: “ئه‌ركێ سه‌ر ملێن حوكمه‌تا عيراقێ يه ئه‌وى پاره‌يى ژ بودجا گشتى ته‌رخان كرى ب مه‌زێخيت، چونكو پێشمه‌رگه پێدڤى ب چه‌ككرن و راهێنانان مووچێ خوه هه‌يه”.
گۆتژى: “هه‌تا نوكه بودجێ هێزا پێشمه‌رگه‌يى ژ لايێ به‌غدا ڤه ره‌وانه‌يى هه‌رێمێ نه‌كريه”، ئاماژه ب وێ چه‌ندێ ژى كر كو ئه‌و پارێ بۆ هێزێن پێشمه‌رگه‌يى هاتيه دابينكرن گه‌له‌ك ژ وى كێمتره يێ بۆ سۆپايێ عيراقێ و حه‌شه‌د شه‌عبى دابينكرى.