بەرهەمێ نوو ئەزموونەكا جودایە بۆ من
رەمەزان زەكەریا
سترانبێژ (سیڤان عەباس) نووترین سترانا خۆ ب ناڤێ (ئەو یارە) كو ژ پەیڤ و ئاوازێن هونەرمەندێ ناڤدار (زیاد ئەسعەد) ی نە بەلاڤكر و پشتی ڤێ هندەك سترانێن دی دڕێزێ دا دێ هەبن.
ناڤهاتی بۆ رۆژنامەیا گۆت: كو ئەڤ بەرهەمە ئەزموونەكا جودایە بۆ من چونكی بۆ جارا ئێكێ یە سترانەكا ب شێوازێ دیلان دبێژم، گەلەك سوپاسیا مامۆستا زیاد ئەسعەد دكەم كو ئەڤ سترانە پێشكێشی من كری پشتی من تران تۆماركری و وی گوهـ لێ بووی گەلەك ب دلێ وی بوو و پەسەند كر، چیرۆكا ڤێ هەماهەنگیێ بۆ سالا ٢٠٢٠ دزڤڕیت دەمێ من د دیدارەكا تەلەڤزیۆنی دا سترانەكا زیاد ئەسعەد ب شێوازێ خۆ گۆتی ئەڤ یەكە بوو ئەگەرێ سەرنج ڕاكێشانا زیاد ئەسعەدی و پشتی هینگێ ل سەر دەستێ هونەرمەند عەبدولغەفار تێكست و ئاوازا سترانێ گەهاندە دەستێ من، بۆ زانین خالێ من هونەرمەند عەدنان كەریم مامۆستایەكێ مەزن بوویە بۆ من و هەردەم رێنمایی داینە، بەلێ من بزاڤ كریە شێوازێ خۆ یێ تایبەت هەبیت و نەكەڤمە ژێر كارتێكرنا چ كەسێن دی.
