حەز ناكەم پشكداریێ د كارەكێ هونەری دا بكەم و پەشیمان ببم
سندس سالح سلێڤانەیی
ئەكتەرێ گەنج (ئەلند حەكیم) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ ئەكتەریێ دكر، لەورا ئەز چوومە پەیمانگەها هونەرێن جوان، پاشی چوومە پشكا شانۆیێ ل كولیژا هونەرێن جوان ل زانكۆیا دهۆك، چنكو من دڤێت ب شێوەیەكێ ئەكادیمی خزمەتا هونەرێ كوردی بكەم و من هیڤیێن گەش بۆ پاشەڕۆژێ هەنە.
هەروەسا گۆت: د پێنج سالێن پەیمانگەهێ دا من پشكداری د گەلەك شانۆگەرییان دا كریە، وەك دراما ژی من پشكداری د زنجیرەیا درامایا (خۆدیك) دا كریە و هیڤیا من ئەوە ل دەمێ بهێت پتر پشكداری فلم و درامایان بم، بۆ زانین ئەز لەزێ ناكەم و چو جاران ژی حەزناكەم پشكداریێ د كارەكێ هونەری دا بكەم د دووڤدا پەشیمان ببم، وەك پلان من ل بەرە هندەك سیناریۆیان بنڤیسم، لێ داخوازا من و هەموو ئەكتەر و هونەرمەندان ئەوە كو ژنوكە وێڤە پتر گرنگیێ ب بەرهەمێن هونەری و هونەرمەندان بدەن، چنكو مە گەنجێن بەهرەمەند هەنە هەكە پشتەڤانیا وان بهێتە كرن، دێ بەرهەمێن باش و د ئاست دا چێكەن.
