ئینانا مریشكێن توركی بۆ ئیراقێ دهێته راوه‌ستاندن
ئه‌ڤرۆ نیوز: ڤه‌ده‌ر ره‌شاڤایی:
سه‌رۆكێ گرۆپێ به‌لاڤكرنا مریشكێت توركی موجده‌ت سه‌زه‌ر راگه‌هاند كو هاورده‌كرن و گه‌هشتنا مریشكێن توركی بۆ ئیراقێ هاتیه راگرتن و چه‌ندین پێرابوون بۆ راوه‌ستاندنا وان هاتینه دانان.
موجده‌ت سه‌زه‌ر بۆ مالپه‌را (Global Meat) خویاكریه كو حكومه‌تا ناڤه‌ندی يا ئیراقێ ئینانا هه‌می مریشكێن توركی بۆ ئیراقێ راوه‌ستاندینه و هێشتا ئه‌گه‌ر نه‌هاتیه زانین و لێكولین ژ ئالیێ وان ڤه بۆ زانینا ئه‌گه‌ران هاتینه ده‌ستپێكرن، لێ چێدبیت بۆ گه‌شه‌پێدانا به‌رهه‌مێ مریشكێن خۆمالیێن ئیراقی بیت، تێ چاڤه‌رێكن ئاریشه چاره‌سه‌ر ببیت لێ دێ پیچه‌ك ده‌م پێڤه‌چیت.
لدووڤ زانیاریێن نه‌ته‌وێن ئێكگرتی ل سالا رابووری به‌رهه‌مهێنه‌رێن توركی 227,000 دوسه‌د و بیست و حه‌فت هزار ته‌نێن مریشكان هنارتینه ئیراقێ.