دهۆك و هەولێرێ د كلاسیكۆیا كوردستانی دا و زاخۆ مێڤانا مینایێ یە
فدراسیۆنا فوتبۆلا ئیراقێ پشككێشان بۆ قووناغا 16ێ یا قارەمانییا كۆپا ئیراقێ ئەنجامدا ئەوا بڕیارە هەڤڕكیێن وێ دێ ل پێنجێَ مەها بهێت ب شێوەیێ كەڤتنا ئێكجاركی هێتە كرن، یاریێن چارێن دووماهیێ دێ ل هەشتێ خزیرانێ دەستپێكەن، هەروەسان یاریێن پێش دووماهیێ دێ ل 14ێ هەمان مەهـ هێنە كرن، دیسان بڕیارە یارییا دووماهییا كۆپا ئیراقێ ل 18ێ خزیرانا هەمان مەه، بهێتە كرن و دبیت ل یاریگەها شەعب یا نێڤدەولەتی بهێتە كرن.
ل دووڤ پشككێشانا هاتیە ئەنجامدان یانەیا دهۆك قارەمانا وەرزێ بۆری دێ ل یاریگەها خوە یانەیا هەولێر د كلاسیكۆیا كوردستانی دا مێڤان كەت، ژلایێ خوەڤە یانەیا زاخۆ دێ بەر ب بەسرا ڕێكەڤیت بیتە مێڤانا یانەیا مینا.
ژ یاریێن دی یێن ڤێ قووناغێ: زەورا دێ بیتە مێڤانا نەفت میسان، شورتە ل یاریگەها خوە یانەیا بەحری مێڤان كەت، یانەیێن تەلەبە و جەوییە ل یاریگەهێن خوە دێ یانەیێن كەرخ و كەربەلا مێڤان كەن، ژلایێ خوە نەحەشد ئەلشەعبی دێ بیتە مێڤانا ئەرگەمە و ئەلقاسم ژی دێ بیتە مێڤانا نەفت.
بۆ زانین ل وەرزێ بۆری تیما یانەیا دهۆكێ بۆ جارا ئێكێ د دیرۆكا خوە دا و وئێكەم یانەیا كوردستانی ناسناڤێ كۆپا ئیراقێ ب دەستڤە بینیت پشتی ب لێدانێن پەنەلتییا سەركەڤتن ل سەر یانەیا زاخۆ ئینایی، د یارییا واندا ئەوا ل یاریگەها شەعبد ل پایتەختێ بەغدا هاتیە كرن.
