چێلسی 150 ملیۆن یۆرۆ بۆ مباپی بەرهەڤكرینە
ل سەر داخوازییا ڕاهێنەرێ نوو یێ ئسپانی چاڤی ئالۆنسۆ یانەیا چێلسی ئۆفەرا 150 ملیۆن یۆرۆیان پێشكێشی یێ فرەنسی كێلیان مباپی ستێرێ ڕیال مەدرید یا ئسپانی كرییە زێدەباری مووچەیەكێ هەیڤانە ژبۆ ڕازیكرنا وی و بچیتە دناڤ ڕێزێن تیمێ دا.
ل دووڤ ژێدەرێن رۆژنامەڤانی ل ئنگلتەرایێ ل سەر داخوازییا ڕاهێنەرێ خوە یێ نوو چاڤی ئالۆنسۆ یانەیا چێلسی 150 ملیۆن یۆرۆ وەكو ئۆفەرا نە هێتە ڕەدكرن دگەل مووچەیەكێ زەبلەح بۆ ستێرێ ڕیال مەدرید مباپی پێشكێشكریە بڕێیا نێزیكێن وی، سەرەرایی گرێبەستا وی هەتا هاڤینا سالا 2029ێ یە، هەكە ئەڤ پێنگاڤە بجهـ هات دێ بیتە مەزنترین گرێبەستا دیرۆكی ل ستامفۆرد بریدچ و خولا ئنگلتەرایێ دا.
هەمان ژێدەر دیاركر یانەیا چێلسی نە بتنێ دگەل بریكارێ وی بەلكو داخواز ژ فائیزا لماری دایكا مباپی كرییە كو ڕازیبكەت بۆ گرێبەستا دیرۆكی.
