دەنگێ من و كاروان كاملی نێزیكی ئێكە
هەرهین محەمەد
سترانبێژ (فاخر زۆبیر) د دیدارەكێ دا بۆ رۆژنامەیا ئەڤرۆ گۆت: نوكە مژوولی كارەكێ نوو مە كو ژپەیڤ و ئاوازێن كاك كامۆی و میكس و ماسترینك و ئەرەنجۆر ئەڤشین شوكری و ژێهات كۆمپانی بكارێ وێنەكرنا وێ رابوویە كلیپ ب دووماهی هاتیە، بەلێ ئەڤان كاودانێن ڤێ دووماهیێ ب سەر هەرێما كوردستانێ دا هاتین رێك نەدا بەلاڤ بكەم و ئەو دەم ژی نەیێ گونجایی بوو ژ بۆ بەلاڤكرنێ و هەر دەمێ رەوش ئارام بو دێ بەلاڤكەم.
هەروەسا گۆت: راستە پتریا كارێن من یێن هونەری برایێ من رێوار دگەل منە و ئەڤە چەند كارەك من ئەنجام دان هەموو بتنێ من كرن و دبەرنامێ من دایە بۆ كارێن بهێت كارەكی ل گەل رێواری بكەم و مە دڤێت ستایلێ خوە نوو كەینەڤە، بەلێ گەلەك جاران هەر ئێك ژمە جودا كاردكەت ئەوژی ستران وەسا د خوازیت و گەلەك كەس دبێژنە من دەنگێ هەوە نێزیكی ئێكە، بەلێ دبینم دەنگێ مە ژێك جودایە و هەر ئێكی تاما خوە یا تایبەت هەیە و دستران گۆتنێ دا چو جاران من هەڤڕكیا برایێ خوە رێواری نەكریە، چونكو سەركەفتنا مە ئێكە و هەر سترانبێژەك هەیە داخباری دەنگێ سترانبێژەكێ دی دبیت و ئەز داحبارێ دەنگێن هونەرمەندێن باكورم، بەلێ دەنگێ من و دەنگێ كاروان كامل نێزیكی ئێكە.
