هەر مرۆڤەك ب كارێ خۆ یێ جوان و مەزنە
سندس سالح سلێڤانەیی
بەفرین عەلی، ژنەكا ئاكنجیا دەڤەرا ئامێدیێ، بو دەمێ پتر ژ سالەكێ یە ل جهەكێ گەشتیاری ل وێ دەڤەرێ كارێ چێكرنا سەوكێن پەنیری و قۆرادێ و گەلەك جۆرێن دی دكەت و ئەو دبێژیت: مرۆڤ ب كارێ خۆ یا بێ منەتە و چو جوداهی دناڤبەرا ژن و زەلامان دا نینە.
بەفرینێ، بو رۆژنامەیا ئەڤرۆ گۆت: ئەز ب خۆ خەلكا دەڤەرا بەرواریا مە، لێ ل دەڤەرا ئامێدیێ ئاكنجی مە، سەبارەت ڤی كاری ل دەستپێكێ من هزر دوێ چەندێ دا كر كو كارەكی بۆ مالا خۆ بكەم، وەسا چێبوو حەفتیێ سێ رۆژان دهێمە جهەكێ گەشتیاری و نانی چێدكەم، ئانكو سەوكێن پەنیری و قۆرادان و ژانی و گۆشتی و پتاتان و گەلەك جۆرێن دی، لێ پتر داخوازی ل سەر پەنیر و قۆرادان هەیە، ئەز ب كارێ خۆ یا سەرفەرازم چنكو داهاتەك بۆ من ژێ دهێت و هەردەم ئەز دبێژم بۆ كاری چو جوداهی دناڤبەرا ژن و زەلامان دا نینە و داخوازێ ژ هەموو كچان دكەم ئەوێن حەزا كارەكی هەین، بلا نەبێژن شەرمە و بلا بهێن كاربكەن، چنكو هەر مرۆڤەك ب كارێ خۆ یێ/یا جوان و مەزنە.
