فیستەڤالا ئێكێ یا فلمێن كوردی ل (بێرمینگهام) هاتە گێڕان
شاكر ئەتروشی
پ پشكداریا هژمارەكا زۆرا ئەكتەر و دەرهێنەر و رەخنەگرێن سینەمایی، ل هەرچار پارچەیێن كوردستانێ و ئورۆپا، فیستەڤالا ئێكێ یا فلمێن كوردی ل ل 28 ڤێ هەیڤێ ل (بێرمینگهام) ل وەلاتێ بریتانیا دەستپێكر و هەتا دوهی ب شەڤ یا بەردەوام بوو.
هونەرمەند (سۆران سۆرانی) ئەندامێ بۆردێ وێ قیستەڤالێ و سەرپەرشتێ تەكنیكی، بۆ رۆژنامەیا ئەڤرۆ گۆت: گێڕانا ڤێ فیستەڤالێ ل وەلاتێ (بریتانیا) دەستەكەفتەكێ مەزن بوو بۆ هەموو سینەماكارێن كورد، چنكو ل ڤێرە هژمارەكا زۆرا سینەماكارێن كورد و بیانی د پشكداران، چنكو ل ڤێرە پەیوەندیێن باشتر دناڤبەر سینەماكارێن كورد و بیانی دا چێبوون و ئەڤە چەندە دێ بیتە دەرفەتەك كو بشێن ل پاشەڕۆژێ كارێن هەڤپشك دبۆارێ سینەمایێ پێكڤە بكەن و ئەڤ چەندە دێ بیتە جهێ دلخۆشیا هەموو سینەماكارێن كورد، چنكو گەلەك دەرگەه دێ بۆ وان هێنە ڤەكرن.
هەروەسا گۆت: بۆ فیستیڤالێ بەهەڤیەكا باش هاتبووكرن و گەلەك هونەرمەندێن بسپۆر و شارەزا كار ل سەر كرینە و چەند لژنە هاتبوونە پێكئینان بۆ وەرگرتنا فلمان و سەنگاندنا وان ل دووف هندەك پیڤەرێن جیهانی و پتری (1250) فلم و كورتە فلمان گەهشتبوونە فیستیڤالێ و پشتی سەنگاندنەكا باش سێ فلمێن درێژ و (30) كورتە فلم هاتنە نیشادان و دووهی ب شەڤ ب دووماهی هات و خەلات و باوەرنامە ل سەر فلمێن سەركەفتی هاتنە بەلاڤكرن، زێدەباری خەلاتێن (باشترین كورتە فلم، باشترین دەرهێنەرێ كورتە فلمی، باشتر سیناریۆ، باشترین ئەكتەرێ زەلام، باشترین ئەكتەرا ژن، باشترین مۆنتاژ، باشترین تۆماركرن … هتد).
