سترانا (هەوار هەوار) هاتە كلیپكرن
زنار تۆڤی
سترانبێژ (حەمە ستار) نووترین سترانا خۆ ب ناڤێ (هەوار هەوار) ب شێوازێ ڤیدیۆ كلیپ بەلاڤكر، پەیڤێن سترانێ ژلایێ مازیار فایەقی ڤە هاتیە نڤیسین، كو ب شێوەكێ هەستیار و راستەوخۆ ناڤەرۆكا سترانێ پێكئینایە، هەروەسا من ب خۆ مۆزیكا ڤی بەرهەمی دانایە و من بزاڤكریە ب رێیا ئاوازا ڤێ سترانێ هەستی د ناڤ پەیڤان دا ب شێوەكێ زیندی بگەهینمە گۆهداران.
ناڤهاتی گۆت: دابەشكرنا مۆزیكێ ژلایێ دیار دلاوەری ڤە هاتیە كرن و هەڤسەنگیەكا جوان د ناڤبەرا دەنگ و مۆزیكێ دا دروستكریە و دلێر دلاوەری كارێ دەرهێنانا ڤیدیۆ كلیپێ كریە و ب دیمەنێن جودا روحەكا تایبەت دایە كارێ كلیپێ و دهێتە چاڤەرێ كرن ئەڤ سترانە ببیتە ئێك ژ وان بەرهەمێن كو سەرنجا حەزژێكەرێن سترانا كوردی رابكێشیت، ب تایبەتی ژبەر وی تیمێ هونەری یێ ل پشت ئامادەكرنا ڤی كاری و هیڤیدارم ب دلێ هەموو حەزژێكەرێن دەنگێ من بیت.
