چ جوداهی دناڤبەرا پەیامنێرێن كوڕ و كچ دا نینن
بێوار حەمدی
نیهاد محەمەد، پەیامنێرێ دیجیتال مەدیایا (سۆرچی پرێس) ل قەزا ئاكرێ و سنۆرێ ناحیا رۆڤیا، د دیدارەكێ دا بۆ رۆژنامەیا ئەڤرۆ گۆت: هەر چەندە من ب شێوەیەكێ ئەكادیمی راگەهاندن نەخواندیە، لێ دژیەكێ بچووك دا من گەلەك حەزژێدكر و هیڤیا من ئەو بوو رۆژەك بهێت ل كەنالەكێ راگەهاندنێ كاربكەم، پشتی دەلیڤە هاتی و سۆرچی پرێس دەرگەهێ خۆ بۆ من ڤەكری من دەستپێكر و نوكە ب كارێ خۆ یێ دلخۆشم.
هەروەسا گۆت: پێدڤیە پەیامنێر بۆ هەلبژارتنا جلكان ل دەمێ دچیتە كاری یێ شارەزابیت، ئانكو بزانیت چاوا و ل كیڤە دێ كیژ جۆرێ جلكان كەتە بەرخۆ، چنكو هندەك جاران دڤێت جلكێن فەرمی و هندەك جاران ژی جلكێن كوردی بكەتە بەرخۆ و ئەڤ چەندە ل دووف راپۆرتا وی دمینیت، بو نموونە هەكە هەلكەفتەكا نەتەوەیی بوو ل وی دەمی پێدڤیە جلكێن كوردی بن.
ل دووماهیێ گۆت: هەر چەندە ل دەف من چ جوداهی دناڤبەرا پەیامنێرێن كوڕ و كچ دا نینن، چنكو یا گرنگ كارێ مرۆڤی یە.
