هەكە حەزژێكرن بۆ كامیرەیێ هەبیت دێ ب سەركەڤیت
سندس سالح سلێڤانەیی
وێنەگر (رەمەزان حسێن رەمەزان) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ وێنەگریێ دكر، لێ ل سالا (2015) دەلیڤە هات و ب هاریكاریا چەند هەڤالان ب دروستی مە دەستپێكر و هەتا نوكە یێ بەردەوامم، هەروەسا یێ دلخۆش و ئارامم ب كارێ خۆ.
هەروەسا گۆت: ل دەستپێكێ ئەز دچوومە شەهیانان و من وێنە بۆ بووك و زاڤا دگرتن، دگەل هندێ ب رێكا یوتیۆپی من پتر پێزانین ژ شێوازێ وێنەگرتنێ وەرگرتن و هەتا نوكە ژی ئەز بزاڤێ دكەم رۆژانە داهێنانێ دكارێ خۆ دا بكەم، بۆ زانین من كارێ وێنەگریێ بۆ گەلەك بەرنامەیێن تەلەفزیۆنی، هەروەسا كلیپێن سترانبێژان و ریكلامێن براندێن بهێز كریە، بۆ دەمێ بهێت ژی من هندەك پلان بۆ پێشڤەبرنا كارێ خۆ هەنە، ژوانا ڤەكرنا جهەكێ مەزنتر و بەرفرەهتر بۆ كارێ وێنەگریێ، دگەل دابینكرنا كامیرە و كەرەستەیێن وێنەگرتنێ یێن سەردەم بۆ پێشڤەبرنا كارێ خۆ و تشتێ گرنگ دڤی كاری دا ئەوە هەكە مرۆڤی حەزژێكرن بۆ كامیرێ هەبیت دێ ب سەركەڤیت.
