ئەز ب شوكری رێكانییێ بچووك بەرنیاس بوویمە
هەرهین محەمەد
سترانبێژ (دیندار حسێن) د دیدارەكێ دابۆ رۆژنامەیا ئەڤرۆ دبێژیت: خۆشحالم كو خەلكەك حەزژ دەنگێ من دكەن و دبێژنە من دەنگێ تە بۆ سترانێن فولكلۆری یێ خۆشە و ئەز و داخبارێ دەنگێ هونەرمەندێ خۆدێ ژێ رازی (شوكری رێكانی) مە و گەلەك حەزژ سترانا وی (هەرە خاین) دكەم و نوكە ئەز چمە دەواتان ژی و هەتا حەفت دەمژمێر و نیڤا من ستران بێ راوەستیان گۆتینە.
هەروەسا گۆت: من نەڤێت د هونەری دا هەڤڕكیا چ سترانبێژان بكەم، چونكو هونەر رەوشت و رێزگرتنە، ل دەستپێكا دەمێ من ستران گۆتین ب دەنگبێژی كوچكو دیوانان و ب شوكری یێ بچووك هاتیمە نیاسین و نوكە ژی ل دەواتان ژی خەلك دبێژنە من سترانێن وی بێژە، بۆ زانین ئەز خۆدانێ سێ بەرهەمانم و دو فولكلۆرن و ئێك ژی یا سەردەمە و من كلیپەك ژی هەیە.
