نە هەر كەسەكێ چوو پشت مایكێ دشێت مافێ دوبلاژێ بدەتێ
سندس سالح سلێڤانەیی
ئەكتەر و دوبلێرێ گەنج (زنار حەسەن ئەحمەد) د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ شانۆیێ دكر و حەزدكر رۆژەك بهێت ئەز ژی ببمە شانۆڤان، لەورا پشتی دەلیڤە هاتی ئەز چوومە پەیمانگەها هونەرێن جوان/ پشكا شانۆیێ و من ب سەرفەرازی ب دووماهی ئینا.
هەروەسا گۆت: ئێكەم كارێ من پشكداری تێدا كری وەك دوبلێر درامایا (تەكسی) بوو، كو ئەز ب رۆلێ مەهۆ ئاغای رادبووم، پشتی وێ من پشكداری د گەلەك دراما و فلمان دا كریە، هەروەسا سەرپەرشتیا چەندین كارێن دوبلاژێ كریە و نوكە ژی د بەردەوامین ل سەر چێكرنا هندەك چیرۆكێن كارتۆنی و ئەز دشێم ب گەلەك رۆلان راببم، چنكو پتری (10) سالانە ڤی كاری دكەم و بۆ من شارەزایی چێبوویە، لێ من دڤێت بێژم كو نە هەر كەسەكێ چوو پشت مایكێ دشێت مافێ دوبلاژێ بدەتێ، چنكو هندەك كەس نەشێن بهایێ دوبلاژێ بدەنێ و تێدا سەرناكەڤن.
