ژیریا چێكری نەشێت جهێ هونەرمەندێ مرۆڤ بگریت
سندس سالح سلێڤانەیی
شێوەكارا گەنج (دێژین لوقمان) د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ كارێ شێوەكاری و چێكرنا كەڤالان بۆ بەری چەندین سالان دزڤڕیت، لەورا ئەز چوومە پەیمانگەها هونەرێن جوان و من پشكا شێوەكاری هەلبژارت و ل پەیمانگەهێ گەلەك دەرگەه بۆ من ڤەبوون كو ئەز ب شێوەیەكێ ئەكادیمی فێری هونەرێ چێكرنا كەڤالان ببم و هیڤیا من ئەوە ل پاشەڕۆژێ بشێم ل دووف شیانێن خۆ خزمەتا هونەرێ كوردی و دەڤەرا خۆ بكەم.
هەروەسا گۆت: دووماهی كارێ من بەری دو حەفتیان بوو، ئەو ژی پشكداریا من بوو ب (10) كەڤالان ل فێستیڤالا پەیمانگەهێ و ئەز گەلەك گرنگیێ ب سروشتی ددەم و ناڤەرۆكا پتریا كەڤالێن من ل دۆر سرۆشتێ جوانێ كوردستانێ نە، دەربارەی ژیریا چێكری ژی چو جاران نەشێت جهێ هونەرمەندێ مرۆڤ بگریت، چنكو هونەرمەندێ مرۆڤ هەست و داهێنانا خۆ د كەڤالێن خۆ دا د دانیت،
