ئافرەت پتر ژ زەلامان جلكێن كوردی دكەنە بەرخۆ
سندس سالح سلێڤانەیی
قەدریا شوكری، ئێك ژ پشكدارێن فێستیڤالا شەلوشەپك و جلكێن كوردی بوو، ئەوا بەری دو حەفتیان ل ئیدارەیا سەربەخۆیا زاخۆ هاتیە هاتیە گێڕان و خۆ ب راپێچا كوردەواری خەملاند بوو، دیاركر دەمێ ئەو جلكێن كوردی دكەتە بەرخۆ گەلەك شانازیێ ب خۆ دكەت، چنكو جلكێن كوردی ناسنامە و كلتۆرێ مەنە دڤێت بهێنە پاراستن و ئەز دبینم ئافرەت (كچ و ژن) پتر ژ زەلامان جلكێن كوردی دكەنە بەرخۆ.
هەروەسا گۆت: جلكێن من پتر ستایلێ كلاسیكن یێن سەردەمێ باب و باپیرێن مەنە و ژ شەش پارچەیان پێك دهێن و هەر پارەیەك من ژ جهەكی ئیناینە، لەورا دڤێت ئەم هەموو خۆ لێ بكەینە خودان و باش ب پارێزین، ئانكو نە بەس ل فێستیڤال و ئاهەنگان بكەینە بەرخۆ، بەلكو ل رۆژێن دی ژی دپێدڤی نە.
