هێمنی سترانەكا نوو بەلاڤكر
رەمەزان زەكەریا
هونەرمەند (هێمن حوسێن) د دیدارەكێ دا بۆ رۆژنامەیا ئەڤرۆ گۆت: خۆشحالم كو نووترین سترانا خوە پێشكێشی حەزژێكەرێن دەنگێ خوە دكەم ب ناڤێ (گۆشەی تەنیای) ئاواز و مۆزیكا وێ من ب خۆیە دانایە و پەیڤ ژلایێ هەلبەستڤان (دیار هەڵەبجەیی) ڤە هاتیە نڤیسین، ڕێكخستنا دەنگی ژلایێ (بلند قەرەداغی) ڤە هاتیە ئەنجامدان، دیار خەسرەومۆنتاژ بۆ كریە و كارێ دەرهێنانێ ژی ژلایێ (دەروون قەرەداغی) ڤە هاتیە ئەنجامدان.
ناڤهاتی گۆت: سوپاسیا هەر ئێك ژ عەلی حاجی بەكر، دلێرێ زێڕنگر و بڵند قەرەداغی دكەم كو د قۆناغێن جودا یێن چێكرنا ئەڤی كاری دا هاریكار و پشتەڤانێن من بووینە و هیڤی خوازم كو سترانا گۆشەی تەنیایی بشێت جهێ خۆ د دلێ گوهدار و بینەران دا بكەت و گوهدار تامێ ژ ناڤەرۆك، ئاواز، موزیك و وێنەسازییا بەرهەمی وەربگرن و هەست ب وێ ماندووبوون و بزاڤێ بكەن ئەوا بۆ پێشكێشكرنا كاری هاتیە مەزاختن دا كو بشێت دەمێ جودا و پەیوەندییەكا جوان دگەل هەست و هزرێن گوهداران دروست بكەت.
