ڕاهێنهرێ شێلادزێ: ئارمانجا مه تنێ سهركێشییا کۆمێ یه
د داخۆیانیهكێ دا شههرام میهر پیما راهێنهرێ یانهیا شێلادزێ بۆ رۆژنامهیا ئهڤرۆ گۆت، بێ گۆمان یاری بۆ یاریێ دێ بۆمه یا بهێز و زهحمهتر بیت چۆنكو ههر تیمهك دێ بزاڤێ كهت ههر چ نهبیت خالهكێ بدهستخۆڤه بینیت، داكو دهربازی قۆناغا دووێ بیت و بكهڤیته دناڤ ههڤركیێن دهربازبوونێ بۆ خولا پلا ئێكێ لسهر ئاستێ ههرێمێ، دهربارهی تیمێن رێزێن دوماهیێ ژی ناڤبری دیاركر كو ههر چ نهبیت یاریێن گهرا دوماهیا ژ قۆناغا گرۆپان ئهو دێ بزاڤێ كهن ئهنجامهكێ باش بدهستخۆڤه بینن داكو مانا خۆ د پلا دووێ دا مسوگهر بكهن.
ههر دیسان ناڤبری ئهو چهند ژی دیاركر كو یاریا مه یا دووماهیێ بهرامبهر یانهیا بجیل دێ بیته بهێزنرین و گرنگترین یاری د خولێ دا چونكی مان و نهمانا مه دێ دڤێ یاریێ دا دیار بیت، سۆپاس بۆ خۆدێ كو بۆ ڤێ یاریێ مه بهرههڤیێن باش یێن كرین و چ كێماسی دناڤ پێكهاتێ تیمێ دا نینن ، لهوا من باوهریهكا مهزن ب شیانێن یاریزانێن خۆ ههیه كو دێ ئامانجا مه بجهـ ئینن و سهركهفتنێ ب دهستخۆڤه ئینن، داكو ئێكسهر دهرباز بینه خولا پلا ئێكێ.
تێزانین نۆكه یانهیا شێلادزێ لرێزا ئێكێ ب 10 خالان دهێت و ب ههمان خال و كێمتریا گۆلان یانهیا باتیفا لرێزا دووێ دهێت و بجێل لرێزا سیێ ب 9 خالان و ههر ئێكێ ژ یانهیێن دینارته و ههریر و پیرس لرێزێن دوماهیێ لدویف ئێك دهێن و یاریێن گهرا پێنجێ و دوماهیێ یێن خولا پلا دووێ یا ههرێمێ ل شهمبیا بهێت بڤی رهنگی بن:
بجێل * شێلادزێ
پیرس * دینارته
ههریر * باتیفا
