دهۆك و زاخۆ مێڤانێن كەرخ و مووسلێ نە
قەیس وەیس:
د دیدارەكێ دا مەناف یونس یاریزانێ تیما فوتبۆلا یانەیا دهۆكێ دیاركر ئەو ژ ئەنجامێ یارییا بەرانبەر یانەیا غازئەلشیمال د ڕازی نینن سەرباری ئەو باشتر بوون و ئەنجامێ وەكهەڤیێ ب تاما خوسارەتیێ قەلەم دا، ئەڤ چەندە هات پشتی د یارییا بۆری یا گەڕا شەشێ ژ خولا ستێرێن ئیراقێ دا دناڤ ئەرد و جەماوەرێ خوە دا دو خال ژ دەستدایی ئەوا یاری ب گۆلەكێ ب دووماهی هاتی.
زێدەتر ناڤهاتی بۆ ئەڤرۆ گۆت: د ماوەیێ هەردو نیڤان دا ئاستێ مە گەلەك باشتر بوو و ئەم نێزیكی سەركەفتنێ بووین لێ لەز د شۆتكرنێ دا و چەنس بەرانبەری مە نەبوو، ئەڤە تەپاپێی یە و دڤێت ژ ئەنجامی ڕازی بین، هەموو یاریزانان ئاستەكێ باش نیشان دا و گەلەك گەهشتنە گۆلا مێڤان لێ ئەوا پێدڤی كو گۆلا سەركەفتنێ بوو نەهات، ئەڤ یارییە چوو ئێدی دڤێت ئەم كار بۆ یارییا داهاتی بكەن و ئاستێ خوە هێش باشتر بكەین و قەرەبوویا ئەڤان خالان بكەین.
هەروەسان مەناف یونس گۆت: ڕاستە ئەڤ وەكهەڤییە ب تاما خوسارەتیێ بوو، لێ هێشتا مە گەلەك یاری ماینە و گەشبینن ب پێكهاتیێ تیما خوە هەموو ژی ب ئێك دل و ئێك دەست كار دكەن بۆ سەركەفتنا تیمێ، مە جەماوەرەكێ وەفادار و حەزژێكەر هەیە ئەم سۆزێ ددەین بۆ یاریێن بهێت باشتر بین و هەموویان كەیفخوەش كەین.
ئەڤرۆ دێ یاریێن گەڕا حەفتێ هێنە كرن
بڕیارە ئەڤرۆ و هەتا دوشەمبییا بهێت یاریێن گەڕا حەفتێ ژ خولا ستێرێن ئیراقێ بهێنە كرن و بڤی شێوەیی.
ئەڤرۆ پێنج شەمبی د گۆپیتكا یاریێن ڤێ حەفتیێ دا یانەیا جەوییە دێ یانەیا زەورا ل دەمژمێر 10 شەڤ مێڤان كەت.
یاریێن شەمبییا بهێت 12-9-2026
دیالا- ئەلغراف، دەمژمێر نەهی شەڤ، یاریگەها دیالا
شورتە- غاز ئەلشیمال، دەمژمێر نەهی شەڤ، یاریگەها شورتە.
یاریێن رۆژا ئێكشەمبی 13-9-2026
زاخۆ- مووسل، یاریگەها شەهید فرانسۆ حەریری، ل دەمژمێر 6:45 مەغرەب.
كارەبا- مینا، یاریگەها زەورا، دەمژمێر 6:45 مەغرەب.
كەرخ- دهۆك، یاریگەها كەرخێ، دەمژمێر نەهی شەڤ.
نەفت میسان- تەلەبە، یاریگەها میسان، دەمژمێر نەهی شەڤ.
یاریێن رۆژا دوشەمبی 14-9-2026
جەولان- نەورۆز، یاریگەها جەولان، دەمژمێر 6:45 مەغرەب.
نەفت- كەربەلا، یاریگەها كەرخێ، دەمژمێر 6:45 مەغرەب.
هەولێر- ئەلگەرمە، یاریگەها شەهید فرانسۆ حەریری، دەمژمێر نەهی شەڤ.
