مەسرور بارزانی هێرشكرنا ل سەر دو فڕۆكەخانەیێن سعودیێ پرۆتەستۆ دكەت
سەرۆكێ حوكمەتا هەرێما كوردستانێ د پەیامەكێ دا، سەرەرای پرۆتەستۆكرنا هێرشێن ل سەر فڕۆكەخانەیێن «شاه خالد» و «ئەبها» ل وەلاتێ سعودیێ، دوپاتی ل وێ چەندێ كر كو ب ئارمانجگرتنا خەلكێ سڤیل و ژێرخانەیێن مەدەنی ب چو ڕەنگان ناهێتە قەبوولكرن.
مەسرور بارزانی، سەرۆكێ حوكمەتا هەرێما كوردستانێ، د هەژمارا خوە یا تایبەت ل تۆڕا جڤاكی یا (ئێكس) دا نڤیسییە: « هێرشێن ل سەر فڕۆكەخانەیا نێڤدەولەتی یا شاه خالدی ل ریاز و فڕۆكەخانەیا نێڤدەولەتی یا ئەبهایێ پرۆتەستۆ دكەم».
هەروەسا ئاماژە ب وێ چەندێ دا، كو هێرشكرن ل سەر خەلكێ سڤیل و ژێرخانەیێن مەدەنی ب چو شێوەیەكی ناهێتە قەبوولكرن.
سەرۆكێ حوكمەتا هەرێما كوردستانێ د پەیاما خوە دا، پرسە و سەرەخوەشی ل كەسوكارێن قوربانییان كر و هەڤسۆزییا خوە بۆ گەل و سەركردایەتییا وەلاتێ سعوودیێ دەربڕی.
