بایرن، بەرشەلۆنا و ئینتەر د تاقیكرنێن ب سانەهی دانە
جەماوەر و پشتەڤانێن وەرزشی تایبەت یێن فوتبۆلا ئۆرۆپا چاڤەڕێ دیدارێن ئەڤ شەڤە یێن ئاگرینن دناڤبەرا یانەیێن بهێز دا ئەوا دێ ژ چارچووڤەیێ گەڕا دویێ ژ قووناغا خولا یا قارەمانییا یانەیێن ئۆرۆپا قارەمانێن خولا ب ئەنجامدانا نەهـ یاریێن ئاگرین بڤی شێوەیی هێنە كرن.
بەرشەلۆنا- گالاتا سارایی
یانەیا بەرشەلۆنا ل دەمژمێر 10ێ شەڤ ب ژڤانە بۆ دیدارەكا ئۆرۆپی دەمێ دبیتە مێڤانا یانەیا گالاتا سارایی یا توركی د یارییەكا بزەحمەت دا بۆ هەردو تیمان، یانەیا كاتەلۆنی دیارییا ئێكێ یا چامپیۆنزێ دا ب سەركەفت بوو ل سەر فاینۆرد ب5-1 گۆلان، دبەرانبەردا گالاتا سارایی دێ بزاڤێن قەرەبوویا خالێن یارییا بۆری كەت، دیدارێن پێشتر یێن هەردو یانەیان گەهشتینە 10 یاریان، بەرشەلۆنا د شەش یارییان دا ب سەركەفتییە، گالاتا ب تنێ یاریەكێ سەركەفتن ئینایە و سێ یارییان وەكهەڤ بووینە.
ئەتلەتیكۆ مەدرید- مانچستەر یۆنایتد
یانەیا ئەتلەتیكۆ مەدرید یا ئسپانی ل یاریگەها خوە دێ یانەیا مانچستەر یۆنایتد یا ئنگلتەرایێ ل دەمژمێر 10ی شەڤ مێڤان كەت، ئێك ژ یاریێن ب هێز یێن ڤێ گەڕی كو دهێتە هژمارتن یارییا كلاسیكی یا دو یانەیێن بهێز ل ئۆرۆپایێ، ئەتلەتیكۆ دناڤ یاریگەها خوە دا هەردەم بوویە ئاستەنگ بوو مان یۆنایتدێ ئەوا هیچ یارییەكێ سەركەفتن ل سەر نە ئینایە، ژ چار دیدارێن پێشتر یێن دیرۆكی دو سەركەفتن بۆ یانەیا ئسپانی و دو وەكهەڤی هاتینە.
ئارسنال- لیل
ب هیڤیێن مەزن چاڤەڕێ یە ل دەمژمێر 10ی شەڤ یانەیا ئارسنال ل یاریگەها خوە یانەیا لیل یا فرەنسی مێڤان بكەت، دبیت پێشبینییێن سەركەفتنی بۆ یانەیا ئارسنال بن لێ، هەرچەندە ئە هیچ دیدارەكا پێشتر یا دیرۆكی نەبووینە دناڤبەرا واندا لێ سەركەفتنا ئارسنالێ د یارییا ئێكێ یا چامپیۆنزێ و ئاستێ وێ یێ بلند د بەرانبەر دا خوسارەتییا لیلێ دیارییا چامپیۆنزێ نیشانێن ئاستی ددەت.
لانس- سپۆرتینگ
ئێك ژ یاریێن دی یێن هەڤسەنگی یانەیا لانس یا فرەنسی دێ ل یاریگەها خوە یانەیا سپۆرتینگ لەشبۆنە یا پۆرتۆگالی ل دەمژمێر 7:45 شەڤ مێڤانكەت ب هیڤییا سێ خالێن گرنگ، هەردو یانەیان سەركەفتن د گەڕا ئێكێ دا ئینابوو، لێ دیدارێن پێشتر بتنێ دو جاران بەرانبەری ئێك بووینە هەر یانەیەكێ سەركەفتنەك ئینایە.
ئینتەر میلان- كلۆب برۆج
یانەیا ئینتەر میلان یا ئیتالی دێ ل یاریگەها خوە یانەیا كلۆب برۆج یا بەلجیكی ل دەمژمێر 10ی شەڤ مێڤانكەت و چاڤ ل ئێكەم سەركەفتنە دناڤ ئەرد و جەماوەرێ خوە دا، هەرچەندە هەردو یانەیان د یارییا ئێكێ یا چامپیۆنزێ تووشی خوسارەتیێ بووینە، لێ د دیدارێن پێشتر دا دو جاران بەرانبەری ئێك بووینە ئینتەر ب سەركەفتیە و یارییەكێ وەكهەڤ بووینە.
فیاریال- ناپۆلی
ل یاریگەها لاسیرامیكا یانەیا فیاریال یا ئسپانی دێ یانەیا ناپۆلی یا ئیتالی مێڤان كەت ئەوا هەردو یانە ل یارییا ئێكێ یا ڤێ خولێ نەشیاین ب سەركەڤن، د بەرانبەر دا دیدارێن ئاگرین هاتینە ئەنجامدان، ب شەش یارییان، سێ سەركەفتن بۆ یانەیا ئسپانی، دو بۆ یانەیا ئیتالی و یارییەكێ ب وەكهەڤی بوویە.
فایكبنگ- بایرن میونخ
یانەیا بایرن میۆنخ یا ئەلمانی دێ ل یاریگەها لیسە ئارینا بیتە مێڤانا یانەیا فایكینگ یا نەرویجی ل دەمژمێر 10ی شەڤ، بایرن دێ بزاڤێن سەركەفتنا ئێكێ و دیرۆكی كەت ژبەركو ئەڤ یارییە دبیتە یا ئێكێ ژ دیدارێن دناڤبەرا هەردو یانەیان دا.
لایبزیك- ئایندهۆڤن
دیدارەكا هەڤسەنگی دناڤبەرا دو یانەیێن ئاست ناڤین دا دەمێ یانەیا لایبزیك یا ئەلمانی ل یاریگەها خوە یانەیا ئاندهۆڤن یا هۆلەندی ل دەمژمێر دەهی شەڤ مێڤان كەت كو دبیتە ئێكەم دیدارا دیرۆكی یا دناڤبەرا هەردو یانەیان دا، لایبزیك د یارییا خوە یا ئێكێ دا خوسارەت بوو، لێ ئایندهۆڤن وەكهەڤی ئینابوو.