سوهەیب عەلی: گوهۆڕینێن باش هاتینە كرن و دێ هەڤڕكێن ناسناڤی بین
ڕەمەزان زەكەریا
د داخویانیەكێ دا سوهەیب عەلی ئەندامێ كارگێرییا یانەیا ئاكرێ دیاركر بۆ وەرزێ ئەڤ سالە ئەوان گوهۆڕینێن باش كرینە و ئارمانج و پلان بوو هەڤڕكیێ ل سەر خولا پلا نایابا كوردستانێ یە و دەربازبوونا تیما وان ژ خولا پلا دویێ بۆ خولا پلا ئێكێ یا ئیراقێ یە.
زێدەتر ناڤهاتی گۆت: پشتی گرێبەستێن كۆمەكا یاریزانێن وەرزێ بۆری هاتینە نووكرن و ئینانا چەند یاریزانێن هەرێمێ و ئیراقێ لدووڤ داخوازییا ڕاهێنەرێ مە یونس سلێمان، ئەڤە بوو ماوەیەكە ژی دەست ب ڕاهێنانان كرینە، سەرباری هێشتا ژڤانێ خولا پلا نایابا كوردستانێ نە هاتیە دیاركرن هەروەسان بەحس هەیە نێزكترین دەمدا دەست هەڤڕكیێن خولا پلا دویێ یا ئیراقێ بهێتە كرن، لەوما ژی وەكو پێنگاڤەكا پێشوەخت ب شێوەیەكێ ڕێكخستی دەست ب ڕاهێنانان كرینە.
هەروەسان ناڤهاتی گۆت: بۆ وەرزێ نوو گوهۆڕینێن باش هاتینە كرن چو ژ ئینانا یاریزانێن نوو هەروەسان سەرئێخستنا هەشت یاریزانێن تیما مە یا لاوان ئەڤە ژی وەكو پلانەك بۆ زێدەتر پشتەڤانییا یاریزانێن باژێری و د هەردو خولێن كوردستانێ و ئیراقێ دا باشترین شێوە بەرهەڤبین و مە بڕیار یا دایی د هەردو خولان دا نە بتنَێ پشكداربین بەلكو هەڤڕكیێ ل سەر ناسناڤێ خولا كوردستانێ بكەین و دەربازبوون بۆ پلا ئێكا ئیراقێ.
لدووماهیێ ناڤهاتی هیڤی خواست وەرزێ ئەڤ سالە بۆ یانەیا ئاكرێ زێڕین بیت و ب دەستكەڤت بیت وەكو وەرزێ بۆری دەما خولا پلا سێ ب دەستڤە ئینایی و سپاسییا لەقا نەهـ یا پارتی دیموكراتی كوردستان و قائیمقامێ ئاكرێ كر ئەوێن بەردەوام پشتەڤانییا وان دكەن
