نامۆ فازل بەرهەڤییان بۆ سۆپەرا جیهانێ دكەت
بۆكسڤانێ ڕەڤەندا كورد ل ئۆرۆپا نامۆ فازل و ڕەڤەندا كوردستانی ل ئۆرۆپایێ بەرهەڤییان بۆ قارەمانییا سۆپەر یا جیهانی 2026 ل سەر ئاستێ یاریزانێن پیشەكار بۆ یارییا MMA یا بۆكسڤانێن دكەت ئەوا بڕیارە هەڤڕكیێن وێ ل دووماهییا ڤێ مەهێ باژێرێ لوس ئەنجلۆس یا ئەمریكا مێڤاندارییا وێ بكەت
نامۆ فازل قارەمانێ جیهانێ بۆ كێشا ناڤین ب ئالایێ كوردستانێ پشكداری د چەندی قارەمانیێن نێڤدەولەتی دا كرییە، د دووماهی پشكدارییا خوە ل ئەمریكا شیابوو ب دربێ ئێخستنێ قارەمانێ جیهانێ جێك بابیان خوسارەت بكەت و میدالییا زێری ب دەستڤە بینیت، پشتی شیایی هەڤڕكێ خوە نەچار بكەت ژبەر برینا دربی ئێخستنێ خوە ژ قارەمانیێ ڤەكێشیت ئەوا ب تنێ شەش خولەك ژ یاریێ چووین.
د نوكە دا نامۆ فازل یێ قووناغا بەرهەڤییان دا بۆ قارەمانییا جیهانی ل لوس ئەنجلۆس، دهێتە پێشبینیكرن بەری قارەمانیێ كەمپەكێ ڕاهێنانێ بدانیت ژبۆ باشترین بەرهەڤی، ئەوێ پێشتر ژلایێ مەسرۆر بارزانی سەرۆكێ حوكمەتێ ڤە هاتبوو پێشوازیكرن ژبەر دەستكەڤتێن وی.
