قه‌دری شێرۆی ژ به‌ر فلمه فێستیڤالا دهۆك یا نێڤدەولەتی داخوازا لێبۆرینێ ژ فێستیڤالا سلێمانیێ كر
هه‌رهین محه‌مه‌د:
ده‌رهێنه‌ر و نڤیسه‌رێ كورته فلمێ (The Tax) د دیداره‌كێ دا گۆت: ئه‌ڤ فلمه هه‌موو من ل سه‌ر كیستێ خوه چێكریه و سوپاسیا ستافێ كاری دكه‌م و هه‌تا نوكه ل شه‌ش فێستیڤالان هاتیه وه‌رگرتن و گه‌له‌ك ژ وان فێستیڤالان داخوازنا مه بۆ من هنارتیه كو ئه‌ز ل وێرێ ئاماده‌بم، به‌لێ بۆ من ده‌ست ناده‌ت، چونكۆ مه‌زاختیێ كورته فلمی هه‌موو سه‌ر كیستێ من بوویه و هیچ لایه‌نه‌ك نه‌بوویه خۆ بۆ بەلاڤکرنا فلمی ژی كو مه‌زاختیه‌كێ كێم بوو دڤێت خوه لێ بكه‌ته خۆدان و ئه‌ڤ كورته فلمه حه‌فت خوله‌ك و چل و چار چركه‌یه و یێ بێ دیالوكه و ب زمانه‌كێ جیهانی من چێكریه و سوپاسیه‌كا تایبه‌ت ل فیستیڤالا سلێمانیێ دكه‌م، چونكۆ ئه‌وان كورته فلمێ من وه‌رگرت و من داخوازا لێبورینێ ژێ كر، چونكۆ ئه‌گه‌ر ئه‌وان وه‌رگرتبا ل فێستیڤالا دهۆك یا نێڤدەولەتی نه‌دهاته وه‌رگرتن و نیشادان و ژبه‌ر ئه‌وێ چه‌ندێ ئه‌ز مێهڤانی فیستیڤالێ نه‌كرم و من گۆته وان دهۆك باژێرێ منه و بۆ من گرنگتره ژڤانه ل ئوسلۆ بهێته نیشادان و دیسان ل هه‌یڤا بهێت دێ ل هندێ هێته نیشادان.
ناڤهاتی زێده‌تر گۆت ژی: كورته فلمێ من په‌یامه‌كا مرۆڤایه‌تی یا تێدا هه‌ی و ده‌می وه‌لاتێن زلهێز به‌حسێ مرۆڤایه‌تیێ دكه‌ن و دبێژن ئه‌م یێ بزاڤێ دكه‌ین مرۆڤایه‌تیێ ل هه‌موو جیهانێ به‌لاڤكه‌ین و ل دووماهیێ ئه‌و بخوه دبنه ئه‌گه‌ر خوین بهێته رێتن ل گه‌له‌ك جهێن دونیایێ و دیسان ده‌مێ مرۆڤ تشته‌كی ژ قه‌بارێ وێ پتر بدده‌تێ و ب خرابی بۆ مرۆڤی بهێته زڤراندن و دوو هونه‌رمه‌ندن ئێك گویه‌زه‌مینه‌كێ چێدكه‌ت و یێ دیژی په‌یكه‌رێ كاوه‌ی چێدكه‌ت و ل دوومایێ ئه‌وێ په‌یكه‌رێ كاوه‌ی چێدكه‌ت كاوه بخوه چاكوچی ل سه‌رێ وی دده‌ت و دكوژیت و خوین دكه‌ڤیته ل سه‌ر گویا زه‌مینێ و ل جیهانێ به‌لاڤ دبیت.
قه‌دری ئه‌و چه‌نده ژی گۆت: گازندا من ئه‌وه مه گه‌له‌ك داهێنه‌ر و به‌رهره‌مه‌ند هه‌نه دشێن كارێن مه‌زن بكه‌ن، به‌لێ ب مخابنی ڤه هه‌تا نوكه پشته‌ڤانی لێ نه‌هاتیه كرن و پارچێن دی ییێن كوردستانێ وه‌لاتێن وان بخوه پشته‌ڤانیێ ل وان دكه‌ن وه‌كو توركیا و ئیران و دیسان رۆژئاڤا ژی ئه‌وان فێستیڤاله‌كا مه‌زن هه‌یه و پشته‌ڤانی ل كارێن هونه‌ری دهێته‌كرن ب شێوه‌كێ باش، به‌لێ ب مخابنی ڤه لنك مه نه پشته‌ڤانی هه‌یه ژلایێ سازیێن ده‌وله‌تێ ڤه و سازیێن دی ژی نیمچه سیبه‌رێن ده‌وله‌تێ وه‌كو كه‌نالێن ته‌له‌ڤزیونی و فێستیڤال بوویه و سازیێن دی هه‌موو گروپ گروپكانێ و هه‌رئێك پشته‌ڤانیێ ل هه‌ڤالێن خوه دكه‌ن، ئانكو یێن دگروپێن وان دابن دێ پشته‌ڤانیێ لێ كه‌ن و یێن دگروپێن وان دانه‌بن پشته‌ڤانی لێ ناهێته‌كرن و هیڤیا من ئه‌و چه‌نده نه‌مینیت و بهێته ل سه‌ر ئه‌وێ چه‌ندێ كا كی پتر داهێنان و خزمه‌تێ دكه‌تا وی بهێته‌كرن.
