كه‌ركووك گه‌فێن دامه‌زراندنا هه‌رێمه‌كا سه‌ربه‌خۆ دكه‌ت
ئه‌ڤرۆ نيوز:
پارێزگارێ كه‌ركووك د كۆمبوونه‌كێ دا ل گه‌ل به‌رپرسێن فه‌رمانگه‌هێن وى باژێرێ گه‌فێن دژوار دكه‌ت كو دبێژيت ئه‌ڤه شه‌ش هه‌يڤه به‌غدا چو پاره بۆ ڤێ پارێزگه‌هێ نه‌هنارتيه و هه‌كه ب ڤى ره‌نگى بيت دێ داخوازا هه‌رێمه‌كا سه‌ربه‌خۆ كه‌ين.
نه‌جمه‌دين كه‌ريم پارێزگارێ كه‌ركووك گۆت: “پێدڤيه حوكمه‌تا عيراقێ ده‌سته‌لاتا هشت پارێزگه‌هان بۆ كه‌ركووك ب ڤه‌گه‌رينيت و هه‌كه وه‌نه‌كه‌ت وه‌كو باژێرێن دى دێ بزاڤێن هه‌رێمبوونا كه‌ركووك كه‌ن”.
ئه‌ڤ گۆتنا نه‌جمه‌دين كه‌ريم پارێزگارێ كه‌ركووك بوويه جهێ دلگرانيا لايه‌نێن سياسى و پارتا وى ژى و ئاماژه ب وێ چه‌ندێ هاتيه كرن كو ئێكه‌تى نشتيمانى كوردستان ژى دژى ڤێ بڕيارێ يه و دده‌نه زانين كو كه‌ركووك باژێره‌كێ دانه‌بڕى يێ هه‌رێما كوردستانێ يه، لايه‌نێن دى يێن كوردى ژى دده‌نه زانين كو ئه‌ڤه خه‌ونه‌كا خاڤ يا نه‌جمه‌ندين كه‌ريمێ پارێزگاره.
پرسا هه‌رێمبوونا كه‌ركووك پرسه‌كا نهێنى توركمانێن كه‌ركووكێ يه كو بزاڤێ دكه‌ن وێ پارێزگه‌هێ بكه‌نه هه‌رێمه‌كا سه‌ربه‌خۆ دا كو ب ڤێ رێ ژ هه‌رێما كوردستانێ جودا بكه‌ن، به‌لێ عه‌ره‌ب ژى دژاتيا ڤى پرۆژه‌يى دكه‌ن ب تۆمه‌تا دابه‌شكرنا وه‌لاتێ عيراقێ.
ژێده‌ر: رووداو