ئەڤرۆ سەرۆک بارزانی و باراک ئۆباما دێ کۆم بن
ئەڤرۆ:
سەرۆکێ ھەرێما کوردستانێ و شاندێ د گەل دا دوھی گەھشتنە واشنتۆنا پایتەختێ ئەمریکا و ل فرۆکخانێ ژ ئالیێ ھژمارەکا بەرپرسێن وی وەلاتی ڤە ھاتنە پێشوازیکرن.
دھێتە چاڤەرێکرن ئەڤرۆ سەرۆکێ ھەرێما کوردستانێ ل کۆچکا سپی ل گەل باراک ئۆباما سەرۆکێ ئەمریکا کۆم ببیت.
ل گۆر راگەھاندنەکا سەرۆکاتیا ھەرێمێ، سەرۆک بارزانی و شاندێ د گەل دا، د ڤێ سەرەدانێ دا دێ ل گەل چەند مەزنە بەرپرسێن حوکمەت و جڤاتا پیرێن ئەمریکا و پاشی ل چەند وەلاتەکێن ئورۆپی بەحسێ شەڕێ داعش و گەفێن تیرۆرستان بۆ سەرئاسایشا جیھانێ و دەڤەرێ و ئازادکرنا مووسل و دەڤەرێن ل بن دەستھەلاتا داعش و پاشەرۆژا ھەرێما کوردستانێ و پەیوەندیێن د ناڤبەرا ھەرێمێ و ئەمریکا وەلاتێن ئورۆپی دا کەن.
ستیوارت جۆنز بالیۆزێ ئەمریکا ل عیراقێ پێشبینیا وێ چەندێ دکەت کو ھەڤدیتنێن سەرۆک بارزانی ل گەل بەرپرسێن ئەمریکا د ئەرێنی بن.
